ഓർഫനേജിലേ സിസ്റ്ററാണു അവനോടു അമ്മയുടെ അർത്ഥം നിർവ്വചിച്ചു നൽകിയത് ; സ്വന്തം സുഖങ്ങൾ പോലും നോക്കാതെ തന്റെ മക്കൾക്ക് വേണ്ടി ജീവിക്കുന്ന ഒരു ആത്മാവാണു അമ്മയെന്നു...
കുട്ടിമനസ്സിലെ ആകാംക്ഷയും നിഷ്കളങ്കതയും കൂടെ കൂട്ടി അവൻ കണ്മുന്നിൽ അമ്മയുടെ മുഖത്തിനു വേണ്ടി പരതി.
കൽപടവുകൾ പിടിച്ച് പിടിച്ച് കയറി നിന്ന് അവൻ ലോകത്തിലേക്ക് നോക്കി
അവിടെ കന്നുകാലികൾ വയലുകളിൽ മേയുന്നതും മരം മുറിക്കുന്ന മനുഷ്യനെയും എച്ചിലുകൾക്ക് വേണ്ടി കൊത്തുണ്ടാക്കുന്ന കാക്കകളേയും പരസ്പരം ചീത്ത വിളിച്ച് പറഞ്ഞു കൊണ്ട് തെരുവിൽ ഏറ്റുമുട്ടുന്ന തമ്മിൽ കൊല്ലുന്ന സഹജീവികളെയും അവൻ കണ്ടു..
കാലുകുത്തി നിന്ന മണ്ണിലേക്കും അനന്തമായ ആകാശത്തിലേക്കും നോക്കി നിന്നവൻ അറിയാതെ മൊഴിഞ്ഞു...
'അമ്മേ...'
